سلسلة الكوتشينج الجزء 4
عمرك سمعتي بمصطلح: القصور الفكري؟؟
ولكن أكيد سمعتي بالقصور الكلوي لهو خلل في وظيفة الكلي ، لهذا عنعطيك واحد البارقة كتبها عندك:
هناك سببان للجهل: الأول قصور في الفهم والثاني نقص في العلم.
وهنا بغيتك تركز معايا مزيان لأني عنعطيك سر من أسرار نجاح اليابانيين لهو القوة الثالثة، قوة المرايا
شنو هي قوة المرايا وشنو علاقتها بالنجاح؟؟
اليابانيين توصلوا لواحد الخلاصة كتأكد على أنك باش تكون إنسان ناجح في الحياة خصو يكون عندك وحدة من هاد القوى الثلاث :
1️⃣ القوة الأولى: قوة السيف
2️⃣ القوة الثانية: قوة المال
3️⃣ القوة الثالثة: قوة المرايا
ببساطة قوة المرايا ترمز إلى المعرفة الذاتية، بمعنى إلى أي حد أنت كتعرف راسك وكيفاش كتستفد من قدراتك وكم نسبة استخدامك الصحيح لما تعرفه؟ ، وتم وصف هذه القوة بأنها ( الكنز الأعظم)، من بين القوى بثلاثة والسبب لأنها الأكثر تأثيرا ودواما على الإطلاق. لكن فنظرك علاش سماوها بقوة المرآة؟
الله سبحانه وتعالى خلق في داخل كل إنسان قوى عظيمة وأنت مطلوب منك تنقب عليها وتتعرف عليها وتكتشفها بحال إلا كتشوف راسك في المراية
لكن علاش وصفوها بالكنز الأعظم 🪙 من بين القوى الثلاث لهما المال والسيف؟
لأنها باختصار قوة كتنبع من داخل الإنسان لوحده ولست في حاجة لأي مكون إضافي للاستفادة منها، يكفي أنك تعرفها وتآمن بوجودها.
تال هنا مزيان، إذا كيفاش نقدر نتعرف على هاذ القوة الكامنة فيا ( لهي أفكار ومعتقدات وأحاسيس وقناعات وبرمجة؟)
دبا عرفتي أن أي واحد فينا فهاد الكون عندو برمجة خاصة به، الشيء للي غايحيلنا على...
سؤال حول ماهية علم البرمجة اللغوية العصبية NLP ؟
وللي التعريف ديالها أنها : مجموعة أفكارنا وأحاسيسنا وتصرفاتنا، والتي هي ناتجة عن عاداتنا وخبراتنا، التي تؤثر على اتصالنا بالذات والآخرين، وهكذا يكون مصير نمط حياتنا. ومن هنا خصنا نعرفو أن كاين جوج دالناس:
✔️ صنف عندو برمجة سلبية كلها تراكمات من الطفولة ومن المدرسة ومن الأقران...، وكتكون عندهم عقلية الثبات وعدم الرغبة في التغيير، لأنهم عايشين في منطقة الراحة( الكسل والتسويف والمماطلة والأمل الخادع ).
✔️ صنف عندو برمجة إيجابية: كيفكر بمنطقية وكيأثر في الوسط ديالو بعقلية النجاح وعقلية النمو وعنده قدرة على التحفيز والتشجيع وهو لكيكون عنده ما يعرف بالشخصية القيادية
إذا واش أنا ككوتش ومهتم بالتنمية الذاتية محتاج أنه يكون عندي إلمام بالبرمجة اللغوية العصبية؟؟؟
الجواب: هو نعم وقبل مانعطيك الدليل عنستحضر معاك واحد البارقة:
💡 كيقول ابن القيم:" من لم تكن له بداية محرقة لن تكون له نهاية مشرقة".
وكيزيد في موضع آخر واحد ومضة تطوير كتعجبني بزاف :
(الوصول إلى المطلوب موقوف على هجر العوائد وقطع العوالق)
بمعنى خصك العزيمة والإصرار وروح المثابرة والشغف والطموح والأخذ بالأسباب باش تقدر تكون رقم صعب في عالم النجاح
وهنا عنرجع معاك لأهمية PNL في فهم الناس وطريقة تفكيرهم وإعادة برمجتهم برمجة إيجابية باش نقدر نعاونوا يحقق النجاح والأهداف ديالو.
كاين في البرمجة اللغوية العصبية محور خاص يسمى( البرامج العقلية العليا) عتقولي علاش كاينة السفلى ، لا لا خلينا غي في العليا الحمد لله ماكيناشي السفلى
البرامج العقلية العليا: باختصار أن الناس يستجيبون بطرق مختلفة على نفس الرسالة، فكاين الناس كيشوفو نصف الكأس الفارغ ومنهم من يركز على النصف المملوء، فالبرامج العقلية العليا هي الطريقة لكنعرفو بها كيفاش الفرد كيعالج المعلومات لعندو في داخل عقلو.
السؤال هنا هو كيفاش أنا ككوتش عنعرف البرامج العقلية ديال المستفيد ديالي وباش عتفيدني هاذ الاستراتيجية؟
هاذ الاستراتيجية عتسهل عليك الوقت والجهد وعتخليك تشخص الحالة دالمستفيد بدقة وبفعالية وبزمن قياسي وعتقدر تخلق معاه الألفة لهي مهمة فعملية المصاحبة والتوجيه والتتبيث
وهادو هوما الأرجل الأساسية لعملية وجلسة الكوتشينج.
فالمقال القادم إن شاء الله عندي لك هدية رائعة سواء كنت كوتش ممارس ومحترف أو شخص مهتم بالتطوير والتغيير والتنمية الذاتية فهي عتفيدك وللي هي ...
الطرق والآليات لتقدر تعرف بها البرامج العقلية العليا ديال أي إنسان .
جميع الحقوق محفوظة للكوتش ليلى شمسى © 2024